" حكاية سيّدة "

[دخــــــون]

السلام عليكم

:::

يا مصممين .. و يا فنّانين .. بالله تراني تعبت cringe:
قولوا لي وش الحل..

مشكلتي أنّي أحب أرسم رسمات تجريديّه تقريبا.. و لا فيه حد مقدّر موهبتي :p << طيب لا حد يسمعك.

شوفوا جبت رسمه و الله يخلليكم انتقدوني .. تعبت والناس تهزء فيني أبغى أتطور.. قولوا لي وين مشكلتي فيه.

و هذي الرسمه عباره عن حكاية سيّدة .. طالعوها و وشوفوها زين ... إذا مافهمتوا شي << أكيد بيصيبني إحباط cringe: لكن بشرح لكم فكرتي.

""""""

http://www.al-saher.net/skoon/uploading/lady-story.jpg

هذي بشكل ثاني

http://www.al-saher.net/skoon/uploading/lady-story2.jpg

أي وحده أحلى mconfused2

[pinky girl]

هلا و غلا بالفنانه

اثرك رسامه .. و لا قد وريتينا شي من رسماتكhttp://lifejourney.com.sa/community/style_emoticons/LifeWeWant/blush.gif

ما شاء الله عليك .. يجنن رسمك
اعجبتني الأولى اكثر ..


صراحه ما فهمت الفكره http://lifejourney.com.sa/community/style_emoticons/LifeWeWant/eyebrow.gif


تسلم يدينك اللي رسمت و ابدعت


نسخه للتصاميم المميزه

[دخــــــون]

8
8
8
8
تراه ماخربني بالدلع و الدلال إلاّ ّنتي 72:

ورب ياحترت أضحك ولا أبكي .. لا تدلعيني يا بينك كفايه .. ابغى أتطوّر .. لووووووووول .


ربي يخلليك .

صبري خلليني أشوف إذا فيه حد سريع بديهه و نبه شويه :p يمكن يفهمون المغزى.

مشكورة ياغاليه

[مصنع الكلام]

يعطيج العافيه اختي دخون على العمل الطيب النادر



يعني صراحه عملك جميل جداَ


بس الحين صار الفوتوشوب شغلات ديجيتال :< وانتي على الرسم الله يعينك


بس الانسان لمن يهوي الشغله صدقيني مراح يخليها



بس عمل جميل وروعه في نفس الوقت يعني حرام الانسان يقلل من شانه



واذا احد رد عليج رد ومقال روعه وعمل طيب ويستحق الاعجاب ترا هذا ماعرف يعبر



الله يعطيج العافيه وننتظر جديدج وعلى فكره انا متابع جيد لي اعمالج الفنيه وصراحه مبدعه لايغرج كلام احد



ولا اذا شفتي تصميم جيد وتقولين هذا صعب اسوي نفسه لا لا ترا عملج هذا اصعب عمل انسان يسلكه بكل صراحه




وانا انسان بما اني سويت تصاميم اخذت عليها شهايد بس مو نفس التصميم هذا هذا التصميم من نوع ثاني يعني



الله يعطيج العافيه ياختي دخون مشاء الله عليج طويلت باال الله يوفقج ويعطيج الذريه الصالحه وننتظر جديدج يالغلا





سلام لج خالص التحيات


ولج الحيات قبل التحيات

سلام

[MATR!X]

.+.. دخون ..+.

<<وصل المنتقد المنتظر اللي ماعنده سالفه وبيجيب العيد

هههههههههههههه

دخون في البدايه اسمحيلي اقولك انه لا بد من الاحباط...
في كل مكان وفي كل زمان يكون الاحباط موجود في صورة الصديق الغير مرغوب فيه
مع انه قد يسبب احيانا بنجاحات كثيره اذا كان من يصادقه ذو اراده قويه

(صار لي نفس مشكلتك في مكان ثاني من زمان واصبت بالاحباط لان ماحد فهمني ...)
السالفه طويله ومافيه مجال اذكرها مع اني اعتبرها مفيده للناس كواحد مر بتجربه... :)

طيب بعيد عن الفلسفه خلينا نرجع للعمل كما طلبتي :)

الكلمتين اللي ماتبين تسمعينها للاسف انا مضطر اقولها:
1- العمل جمييييل جدا ...والله العظيم عجبني واول مره اعرف انك رسامه
وبصراحه رسمك حلووو مره وصدقيني انتي فنانه.. سلمت يمينك

(هذا الكلام من قلبي وبدون مجاملات)..

2-للاسف مافهمت الفكره مثلي مثل بنكي لكن خليني اقولك وش اللي طلع معي...
اعتقد انك تقصدين بالرسمه (الفتاه اللي تنتظر يوم العمر...يعني يوم زواجها)
هههههههههه
<<<ماقلتلك بيجيب العيد

هذا والله اللي طلع معي
لكن انا ماانتهيت....
بقولك وش انتقادي....

انا انتقدك من ناحية عرضك لثقافه معينه او فن معين على ناس ماعندهم خلفيه بهالشي.....

رأيي كمتفرج ان الرسمه جميله وفنانه من يد فنانه وفيها فكره معينه استطعتي اخراجها من ذهنك
الى الوجود بطريقه فنانه وجميله ومتقنه....ولكن ما اقدر اعطيك رأيي وانتقادي كفاهم في هالمجال

انتي عرضتي رسمه بفكره معينه وذكرتي شي اسمه الرسم التجريدي ونا للأسف اول مره اسمع به
ولا ادري وش تقصدين به واعتقد فيه مثلي الكثير هنا...


لاحظي ان الكل بيتشارك معنا في اعجابه بالرسم او عدم اعجابه بالرسم
لكن يمكن ما فيه احد عنده خبره بالرسم وانواعه مثلك عشان ينتقدك..
لازم ماتعطين فرصه اصلا الا للمختصين بإنتقادك..

دخون انا اسف على كثرة الكلام واللي يمكن يكون بدون فائده..
بس انا حبيت اكون امين مثل ماطلبتي
وحبيت اوصلك فكره مريت فيها
وحبيت افهمك هالفكره بأكمل وجه وهذا للاسف جعلني اكتب سطور كثيره قد لاتكملينها


لي عوده بعد استيعاب الكثير

بالتوفيق
باي

[المتسكع]

بعد السلام...... اختي دخوووون... انا بقول شنهو إللي فهمته من الرسمه..... واعذروني تراني صريح زيادة....

أول شيء انا فهمته من الرسمه .... انها تعبر عن حكاية المرأة العربية أو الخليجية لأنها غير واضحة بأنها بعد الزواج تكون رهينة بيتها........ يعني خادمة طبخ وغسيل وتنظيف عكس ما حلمت به من حب ورومنسية مع الجنس الآخر..... فجأة ترى العبودية في ديار الزوجية وأنهالت الدموع تحسرا لحياتها البائسة.....

هل هذا ما تنوين إيضاحه

[وسيــع الصــدر]

اختي دخون!

بصراحه رائعه ... الصوره صحيح زي ما قالو الشباب تضيع الواحد كأنك كنتي مو مرتبه افكارك ... بس على العموم انا اشوف في طاقات خطيره!!

انتي لو بس تركزي على توصيل فكره وحده راح تبهرين الجميع!!!


مدري ليه اول ما شفت هالصوره جا على بالي فنان شفته على التلفزيون!!

هذي احد لوحاته!

http://www.britto.com/original%20paintings/pop_ups/cherylbrendan_pop.jpg


تحياتي لك .... وننتظر جديدك

[..غـالـيـة..]

السلام عليكم ورحمة الله وبركاته ،،،

دخــــون يا دخــــون .. tallsmil:

You Always Amaze ME mconfused2

طبعا هو لابد تسمعين منا كلمات ماتعيبج على قولة ميتركس ..

الرســـم هب بس جمـــيل ..

كلمة روعه قليله في حقه .. وكلمة روعه ماراح توصفه وتوفيه حقه ..

وصدقيني ماجامل أبدا ,,

فعلا رســـم يستحق الاعجــاب ..

انا عيبوني الرسمتين .. gangsta:

الاول عشان احسه معبر أكثر .. بالالوان اللي اقصد .. 73:

والثاني عشان لونه عينااااااااوي فديت العين داري دار الزين :$

tallsmil:

::::

ني للتحليل والتفسير ..

طبعا حطي في عين الاعتبار اني انسانة هاوية للرسم فقط . 20: .

يعني غير مخولة ولا مؤهلة لتحليل وتفسير رسمات الفنان badteeth:

بس مايبتعد وايد عن تفسير الاخوان ..

بس ازيد عليه .. من ناحية التصميم الاول ..

هو ان "السيدة " تشــوف زحمــة الحياة ومطالبها .. وعندها أمــل للوصــول الى شيء ما "الوصول للافضل "

خاصة الدرج اللي في الرسـم يدل على الصعود والتقدم للاعلى.. لتصل الى ...." وجود الشمس"

هي تعطي الامــل وثقة بوجود يوم أخر لتحقيق هدف .. او انجاز ما ..

والشمس معروف عنها تعطي معنى للتفاؤل ..

لكن وجود الغيوم .. تبين ان لابد يكون في عقبات حتى ولو كان الامل او الثقة موجودة ..

مادري عاد هذا اللي طلع وياي :p

بس البصلة اللي فوق عاليمين مالقيت لها تفسير 79: يمكن فعلا تفسير الاخ اللي قبلي شغل وطبخ فتدل عالمطبخ 72:

JK tallsmil:

عموما ..

التصميمين كل واحد له دلالة ..

ودلالتهم هب من الخطوط فقط .. ايضا من الالوان .. :)

وانا في رايي وفلسفتي وبشكل عام ..

اشوف ان الرسمة الاولى فيها .. 75% تفاؤل .. والباقي كآبة او تشاؤم

والرسمة الثانية العكس .. 75% كآبة .. والباقي تفاؤل ..

الاولى حكمت عليها من الالوان .. بعدين الخطوط ..

الثانية حكمت عليها من الخطوط بعدين الالوان ..

سمحيلي عالاطالة ..
بس انتي حبيتي تسمعين تحليلات ..
وانا حبيت اتفلسف عشان انشات :D

و بعدني عندي تعقيب على رد الاخ ميتركس 44:

انا انتقدك من ناحية عرضك لثقافه معينه او فن معين على ناس ماعندهم خلفيه بهالشي.....
انتي عرضتي رسمه بفكره معينه وذكرتي شي اسمه الرسم التجريدي ونا للأسف اول مره اسمع به
ولا ادري وش تقصدين به واعتقد فيه مثلي الكثير هنا...

افا عليك بس:p .. يمكن اخوي المبدع ميتركس ..مع كثرة البرامج للجرافيكس خلانا نهمل بعض من الفن
البدائي اللي عندنا واللي اقصد فيه الرسم باليد..وهالفنون موجودة من ايام دافنشي وقبله:D
يعني كل انواع الفن التجريدي وغيره موجودة .. وهالبرامج اللي نعرفها اليوم ..مثل ماتقول مجرد صقل للموهبة
او حتى الهواية اذا بنعتبرها هواية "بالنسبة لي badteeth: " وتعطي الناس اللي بقدرات دخــون ماشاءالله
على التعبير اكثر والصــول لابعد معاني الابداع اكثر ..
لكن الفن بشكل عام .. موجود .. وانا مااقول لك كل الموجودين والقارئين لهالموضوع فاهمين ..
لكن خذني انا على سبيل المثال 43: .. افهم في هالنوع الفنون لني درست شهرين في مرسم حر
ويعجبني الرسم بانواعه بشكل عام .. وصدقني يالمبدع حتى لو الواحد ماعنده خلفية عن الرسم والفن وانواعه ..
في متذوقين ومتابعين ومهتمين مثلك مــثلا :) ماشاءلله عليك ..وانا شخصيا اعتبرك استاذ هب بس مبدع موهوب متذوق ....وهذا سبب كافي لطرح دخون وغيرها من المبدعين والموهوبين فنــونهم اهنــي ولاشرايك
..وان شاءلله في اساتذة عندنا امثال الطوالة وعبدالعزيز الصادق ..
وموجودين معانا بالمنتدى .. واكيد ماراح يقصرون من ناحية نقد "اذا احتاجت الاعمال الى نقد" .. 73:

ودامك اول مرة تسمع عن الرسم التجريدي .. خلاص الحين بيصير مألوف عليك .. وتصير تفسره للاجيال القادمة :D

هو من اسمه تجريد .. يعني تبسيط واختصار ويعتمد وايد على وزن الخطوط بعلاقات رياضيه ..
ويفضل للموهوب انه يبتدي بالوزن واتقانه .. وزن الخط يعني ..
وعقب الانتقال الى تبسيط العناصر بخطوط بسيطه مريحه للعين:)
الى ان تنتقل الى تبسيط وتجريد الموضوع الكامل ودراسه وزن الخط والكتله واللون..

وماشاءالله عليها دخــون في رايي انها انسانة متمكنة جدا .. :$ الله يحفظها

ولكل انسان فنـ .. لكن يختلف من شخص لاخر ..

واكبر مثال انته ودخــون ..

انته لك فن راقي.. وعلى اليد الاخرى دخــون لها فن راقي
يعني اثنيتكم عندكم فن راقي اتفقنا ؟:D

لكن كل واحد فنه يختلف عن الاخر ;)

وهذا اللي خلا تطلع كل هالفنون عبر التاريخ كله من الاساس :)

وايد وايد طولت وياكم احس اني بنجلد movsmil:

بس كلمة اخيرة ..

انا اشوف ان الموضوع يستاهل التثبيت ..اشوفه صار مفيد

ولا مرة صار عندنا في القسم نقاشات فنية ..

بعد اذن من دخــون راح نخليه الاول .. monksm:

لاعطاءه حقه .. وهو فعلا مميز واكيد نسخة للمميزة مثل ماقالت بنكي :$

السموحة مرة ثانية عالاطالة ..

احترامي للجميع ..

وداعة الله

[MATR!X]

السلام عليكم
..
..
اتمنى من صاحبة الموضوع الاستاذه دخون
ان لاتمانع ابداً بوجودي مره اخرى هنا...

عندي بعض التعقيبات على ردي الاول وايضا على الاخت غاليه :)
......
بالنسبة لردي الاول اعتقد اني تكلمت فيه كثير لكن للاسف لم اوصل
وجهة نظري بالشكل المناسب....

اعتقد اني دخلت في الانتقاد على طول.. وكان ذلك نزولاً عند رغبة صاحب
الموضوع (دخون) في بداية الموضوع
طلبت الانتقاد والتوجيه ولمحت الى انها متضايقه من المجاملات
مثل (حلووووووو) (رهيب) (واو) (عجبني)
لذلك ماحبيت اتجاهل رغبتها وحبيت اكون أمين في ردي

ولم اثني على الرسم كثيراً مماسبب وجود بعض سوء الفهم
انا لا اشكك في فن دخون بل بالعكس دخون فنانه متمكنه في جميع
المجالات (اقصد الجرافيكس والرسم ..الفن التشكيلي..) ولا تحتاج شهادتي
او غيري

لاحظوا.. اني اثنيت عالرسمه..



العمل جمييييل جدا ...والله العظيم عجبني واول مره اعرف انك رسامه
وبصراحه رسمك حلووو مره وصدقيني انتي فنانه.. سلمت يمينك

(هذا الكلام من قلبي وبدون مجاملات)..


..................


رأيي كمتفرج ان الرسمه جميله وفنانه من يد فنانه وفيها فكره معينه استطعتي اخراجها من ذهنك
الى الوجود بطريقه فنانه وجميله ومتقنه....ولكن ما اقدر اعطيك رأيي وانتقادي كفاهم في هالمجال



اعتقد اني ذكرت رأيي كمتفرج فقط ولم اتجرأ في الانتقاد للرسم
لأنني لست على علم بهذا المجال وثقافتي فيه 0%


بالنسبة للانتقاد..




بقولك وش انتقادي....

انا انتقدك من ناحية عرضك لثقافه معينه او فن معين على ناس ماعندهم خلفيه بهالشي.....

لاحظي ان الكل بيتشارك معنا في اعجابه بالرسم او عدم اعجابه بالرسم
لكن يمكن ما فيه احد عنده خبره بالرسم وانواعه مثلك عشان ينتقدك..
لازم ماتعطين فرصه اصلا الا للمختصين بإنتقادك..




اعتذر كثيراً لأنني عممت في الجزأ الاول ولم اخصص
لكن صدقوني غير مقصوده
انا ماكنت اقصد ان مافيه احد فاهم في الفن التشكيلي هنا بالمنتدى...
كنت اقصد ان الغالبيه او نسبه ليست بالقليله ماعندهم خلفيه كافيه
لكن للأسف وبدون قصد انا عممت...
وحرصاً على تقديم النصيحه بأمانه اناقلت لازم تاخذين الانتقادات من المختصين
او الفاهمين في هالمجال

......

نجي لرد الاخت غاليهـ : :)

غاليه لو لاحظتي ردي وردك راح تلاقين اننا متفقين في كثير من النقاط :)
وهذا شي اعطاني ثقه اكبر بالكلام اللي كتبته
لكن المشكلة اني عممت عالكل بأن ماعندهم ثقافه كانت هي السبب وهي الغلطه
ووضحت انها كانت غير مقصوده

واشكرك على شرح الرسم التجريدي مع اني ما استوعبته تمام :)
لوووول

بالتوفيق يافنانين كازا

قمة الابداع اننا نلتقي ونطرح افكارنا ووجهات نظرنا ونتناقش فيها
بكل جمال وعذوبه واخوه ورحابة صدر :)

باي

[دخــــــون]

مصنع كلام

أشكرك أخوي على تشجيعك..
أسعدني كثير.. و يوفقك ربي :)


::::::


MATR!X
يا ناقد يا منتظر من جد جبت العيد 79:

بداية: أشكرك لأنّك وقفت عند رغبتي في ( أن أُنتقد )
و التالي: أنا أتمنى أنك تفيدنا بقصتك و تكتبها على شكل مقال تسرد فيه خبراتك :) و أعتقد كثير متابعين يتمنون يعرفون .

و أنا مـُـجبره أني أشكرك غصب عنّي إذا مو بكيفي لأنك كريم في رأيك و دعمك. و الأكيد أنّه أسعدني. ربي يسلّمك .

أما عن انتقادك.. أقدّره :) و على يقين أنّك طرحته بحكم تقديرك للأمور اللي حولك. و أبشّرك خلفيتي في الرسم بشكل عام (ضئيلة ما ) 3d_cyplos: مجرد متابعه عن بعد.

و بالنسبة لردك الثاني .. فأكيد هو شرف لي.. و تطمن وجهة نظرك اوصلتني صحيحة كما أنت تقصدها..
و الأكيد أخوي الفنان ماتريكس ما طلبت نقدك إلا أنّي على يقين بأنّك حامل لحس الفن و الذوق.

و الأكيد أن الأخت غاليه بتعدّي لك هالمرّه زلّتك بس أنتبه مرّه ثانيه 50:

أخوي ماتريكس.. أبشّرك.. قريت ردينك الثنين كللهم و أعتبرهم كنز من الفوائد بالنسبة لي.
ربي يجزاك خير و يوفقك... مشكور



::::::::::


المتسكع
عساك للجنّه قول آمين

من جد أبسطتني بردك و ضحكتني << من الوناسه طبعا.
بما أنّك أفصحت عن رأيك بصراحة زايده .. أنا بحذو حذوك و أرد عليك بصراحه زايده :)

أخوي أي مرأه خليجيه تتكلم عنها أنت 80: حنّا في زمن المرأة ماخللت للرجال شي grinno: صار هو اللي يرى العبوديه في دياره... لوووووووووول.

المتسكع من جد من جد خيالك أعجبني كثيييير .. لا خلا و لا عدم .. من قلبي شاكره لك.


:::::::::::::


معذب قلوب العذارا
هلا بك.. أخوي ..
القصة أنني أبي أحكي حكاية في الرسمة .. تعبر عن أكثر من موقف.. عشان كذا أنت لاحظتها أنّها تضيّع..
محتاجة صبر و خيال لجل ترتبها 80:

واااو الرسمه حلوه .. مين راسمها.؟

رأيك و وجودك أسعدني كثير أخوي ..

لا خلا و لا عدم. :)


:::::::::::::::::::::


غاليه يـا غــــــــاليه 73:
يا حبني لك و الله
تحليلك للرسمه منطقي جدا و أنا كنت بقتنع فيه .. و فلسفتك ممتعه و مفيده ياغاليه.
وينك من زمان .. دام عندك خلفيه أكتبي لنا مواضيع مثل كذا تنمي معرفتنا :) و نطوّر و نكبر فيها الرسم و الجرافيكس.

وانا شخصيا اعتبرك استاذ هب بس مبدع موهوب متذوق ....وهذا سبب كافي لطرح دخون وغيرها من المبدعين والموهوبين فنــونهم اهنــي ولاشرايك
ماقلتي إلاّ الحق يا غاليه... :)

..وان شاءلله في اساتذة عندنا امثال الطوالة وعبدالعزيز الصادق..
وينهم الحين ما شوفهم :(



ما أدري وش أقولك يا غاليه.. http://www.kaznova.com/vb/images/icons/icon11.gif جعلك للجنّه.

مشكوره.

[دخــــــون]

يا أجمل أعضاء أنتوا..
أحلى مافي الموضوع أنّه حرر أفكاركم و أعطى مساحه أنكم تسرحون بخيالك.
و أكيد أنكم تتفقون معي.. أن التصميم و الرسم و الصور تحتفظ بجمالها في غموضها..لجل تتيح لكل شخص أنّه يختار تفسير لها مثل ما يناسب روحه أو نفسيته أحيانا.

و أنا ماودي أعطيكم أنا وش اعني بالرسمه عشان تبقى محتفظه بغموضها.. لكن بقول <<< طيب أخلصي علينا يابت.

الحكايه ..
أنه كان في يوم من الأيام سيّده عاشقة، خطفتها لحظات عشق لموعدها.
كانت الأجواء ماطرة و بغزارة، و كأنّها نذير شؤم.
إلاّ أنّها لم تتوانى في التقدم لذلك المقعد حاملة في يدها تلك المظّلة الباكية.
و ما أن تم لقائها و ذلك المزعوم بـ (العاشق) حتى كان الحزن مستبدا في كل مكان.تركها/ تخلاّ عنها!فقط أتاها ليُفقدها أيـّـاه!.
فولّت هاربة من ذلك المكان، ناسية خلفها (شريطة)قبعتها و (المظلّة).
لم يكن لها مواسيا في مأتمها إلا السماء.. أخذت تهطل معها بكاءً دون توقف.. حتى أصبح ذلك الحزن قناعا لها تلبسه!!
و أصبح البكاء (زيف بكاء) تنزف منها دموعها كما يـُريقها (البصل).. كيف لا .. و هي ذاتها قد اقتنعت أنّه لا يستحق حزنها/دموعها.
و في حقيقة ذاتها قد ملأها الفراغ و التيه و الضياع بعد أن رحل عنها كالطير الشارد!.
و الذكرى تحاصرها من كل جهة .. و اللقائات الجميلة معه كيف لها أن تكون ماضي .. ليتها تعود للخلف تستعيدها!
لكن.. رغم كل ذلك.. إلاّ أنّها أدركت أنّه بنسيانها شريطة قبّعتها و المظلة فقد حررت أفكارها /أصبحت مفتوحة للسماء مشرقة بالأمل.. رغم تلبّد المصاعب..فهي لن تيأس و ستبقى مبتسمة واقفة صامدة سعياً للأجمل.


هاه أنفع أكتب روايات 61:

::::::::


مشكورين لتافعلكم

[المتسكع]

بصراحة مثل ما قلتي كل عضو مشارك في الموضوع سرح بخيالة وأنا عن نفسي حاولت أني أصل إلى ما هدف إليه قلبك...... لكن ......... !!!

المهم المشاركة كانت جدا شيق....

[..غـالـيـة..]

دخــــــــون الا تنفعين ونص grinno:

كاتبه اديبة شاعرة .. فوق هذا وهذا مبدعه مرهفة الحس وفنانه :$

ماقول غير بي يحفظج ..

بس أحلى شي يوم تقولين .. " كنتي " بتقتنعين في تحليلي 79:
يعني كانج تقولين .. كنت بنتحر بس هونت على اخر لحظة 72: :p
tallsmil:
tallsmil:
tallsmil:

::
عموما ..

كلامج وتفسيرج وايد حلوو ..تصويرج رائع فعلا ..

ومثل ماقلتي .. واتفق وياج 100% .. في ان
أن التصميم و الرسم و الصور تحتفظ بجمالها في غموضها..لجل تتيح لكل شخص أنّه يختار تفسير لها مثل ما يناسب روحه أو نفسيته أحيانا

ونترقب المزيد من هذه الاعمال المختلفة ..

وان شاءالله من عيوني .. افيدكم باللي اعرفه ..
وترا هذاك الكورس كنت ماخذتنه قبل 4 سنوات او اكثر eyeslr: الله يستر بس لااخرب معلوماتكم gangsta:

والله يحفظج يالغالية

وداعة الله

[KaZa]

دخــون

يمكن من لديهم خبره في هذا المجال ومتذوقين له هم الأجدر بالنقد والتحليل

ولكن كوني مطلع فقط ... أحب أهنيك على هذا الإبداع وأهنئ أنفسنا بتواجدك معنا

شكراً لك على فتح المجال مجدداً لدعوة العديد من المختصين في هذال المجال الى كازانوفا

وانشالله ان هذا الموضوع فاتحة خير علينا جميعاً

وربما يكون هذا الموضوع بداية تأسيس قسم خاص بالرسم !


وأشيد بمبادرة الاخت غالية على تجديد الدعوة لمن لديهم خبرة في هذه المجالات
ونحن على اتم الإستعداد لتقديم كافة مايلزم لتهيئة الجو المناسب لذلك .

كل التوفيق لكم جميعاً

[دخــــــون]

المتسكع ... كانت مشاركتك الأمتع و الأروع :) شكرا لك.

غاليه ... ربي يسعدك ويوفقك :)

خالد... مشكور .. و دعواتي لـ كازا بأعضاءه التقدم الدائم:)


شكرا للجميع

[Rsam]

السلام عليكم

اختي دخون رسمك جميل ورائع , وفيه خيال جدا حلو

ما احب اكتب كلام كثير , لاكن انتقادي ان الالوان المستخدمه خلتني ما اناظر بالرسم كثير

اهتمي بالالوان اكثر

ثاني شي , في اشياء بالصوره ما اتوقع انها مناسبه ( مثل الوجه اللي على اليمين ) و ( ال S على اليسار ) وهذي وجهة نظر

شي يثلج الصدر ان في مواهب زي كذا , وغلط من قال ان العرب مافيهم اي موهبه

تحياتي لك

[ريانكو]

ياشباب أثاري عندنا مبدعة بالمنتدى

هااااااااااااااااي دخون بصراحة ابغى أعرف مين اللي أحبطك بصراحة انه ماعنده ذوق ولا نظر أاتمنى انك تكوني واثقة

من نفسك وطموحه يمكن تصيري فنانه مشهورة ::)

وتري رسمك رااااااااااااااائع بمعنى الكلمة وخيالي

مع تمنياتي لك باتوفيق والنجاح


ممكن سؤال انا عندي رسمات كيف اوريكم؟؟؟:confused:

[دخــــــون]

رسام :) بالفعل أن أعترف عندي مشكله مع الألوان .. لكن إن شاء الله بتعدّاها :) و جهة نظرك أحترمها.
و أشكرك .



ريانكو .. تدخل الرسمات بالسكانر.. مشكور.

[Sajeena]

دخون بجد رائعه 76:

وعجبتني الصوره الاولى عشان الوانها فرايحيه 76:

ومثل ما قالوا اللي قبلي

حسيت ان الصوره الاولى فيها امل والثانيه تشاؤم 74:

يمكن عشان الالوان اللي تاثر

دخون تنفعين ونص تصيرين كاتبه روايات 76:

سجلي اعجابي فيكـ 77:

دمتِ دخونه 76:

[>؟<]

السلام عليكم


شكرا عل التصميم الجميل وانما انا ارى فيه اشياء زايده عن ماعبرتيه


طبعا هذا رأيي



شكرا على الابداع

[دخــــــون]

سجينة المشاعر... وجودك و رأيك فخر لي و شرف .. كل الشكر.:)



:::::::::



>؟<
رأيك واحترمه.شكرا لك.

[Smile]

اهلا ً اهلا ً دخون
قسمن فنااانه http://www.millan.net/minimations/smileys/loveshower.gif
صراحه صراحه والصراحه راحه مره اعجبتني
كيف ترسمون
اذكر مره قعدت بالفوتوشوب ابي ارسم ولا ضبط معاي شئ مدري كيف تميل الخطوط وتتعرج
من جد فنانه رسامه

[دخــــــون]

Smile

سعدك ربي :)
يبي له طولة بال و كل شي بعدها يصير سهل ..

مشكوره :)